वॉशिंग्टन मराठी कला मंडळ आपले स्वागत करीत आहे!

वॉशिंग्टन डीसी खुर्द आणि सभोवतालच्या, मेरिलँड आणि व्हर्जिनिया राज्यांमधील काही उपनगरांचा समावेश असलेला; पोटॉमक नदीच्या तीरांवर वसलेला; अमेरिकेची राजधानी आणि शक्तिस्थान म्हणून ओळखला जाणारा; राजकीय, सामाजिक आणि नैसर्गिक समृद्धतेने नटलेला असा वॉशिंग्टन महानगर प्रदेश. ह्या परिसरात प्रामुख्याने एकोणीसशे सत्तरच्या दशकापासून मराठी बांधवांची वसती होण्यास सुरुवात झाली.

जगाच्या पाठीवर कुठेही जा - कलेची ओढ असलेली मराठी माणसं काय करतात? वॉशिंग्टनही अपवाद ठरलं नाही. १९७५ साली, कलोपासनेचं आणि संवर्धनाचं उद्दिष्ट ठेवून मराठी कला मंडळाची स्थापना झाली.

आजमितीला, वॉशिंग्टन महानगर परिसरात राहणार्‍या हजारो मराठी बांधवांना मराठी कला मंडळाद्वारे नियमितपणे आयोजित केले जाणारे कार्यक्रम ही एक पर्वणीच वाटते. ह्या कार्यक्रमांच्या निमित्ताने त्यांना एकत्र येता येतं, स्नेहबंध सुरू करता/वाढवता येतात आणि महत्वाचं म्हणजे अभिरुचिपूर्ण कलाविष्काराचा आणि मराठमोळ्या खाद्यपदार्थांचा आस्वाद घेता येतो. मकरसंक्रांत, होळी, महाराष्ट्र दिन, गणेशोत्सव आणि दीपावली - हे सण परिसरातील सार्वजनिक शाळांमधील सभागृहांचा वापर करून साजरे केले जातात. कार्यक्रमांचं यशस्वी नियोजन म्हणजे अवघड काम - ते सुरळीत पार पडावं ह्यासाठी मंडळाची, दरवर्षी नव्याने नियुक्त होणारी कार्यकारिणी वर्षभर झटत असते.

स्थानिक तसेच बाहेरील कलाकारांनी सादर केलेले, मराठी मनाला भावणारे नाटक, शास्त्रीय/उपशास्त्रीय संगीत, नृत्य, चित्रकला/शिल्पकला प्रदर्शन असे अनेकरंगी कार्यक्रम मंडळातर्फे प्रायोजित केले जातात. मराठी शाळा तसेच बृहन्महाराष्ट्र मंडळ प्रणित कार्यक्रमांनाही कलामंडळातर्फे सक्रिय हातभार लावला जातो.

तुमचा वॉशिंग्टन भागात शिक्षण/नोकरी/व्यवसायासाठी येण्याचा विचार आहे? एखादा चित्ताकर्षक कार्यक्रम सादर करून वॉशिंग्टनच्या चोखंदळ पण रसिक प्रेक्षकांची दाद मिळवायचीय? समितीच्या कुठल्याही पदाधिकार्‍याशी संपर्क करा - तुमचं आपुलकीनं स्वागत होईल.


Current Activities:

Ganeshotsav 2018

 

2018ArtCompetition 1

 ह्या क्षेत्रातील कार्यक्रमांचे वेळापत्रक

August 2018
Mon Tue Wed Thu Fri Sat Sun
1
2
3
4
5
6